Google සෙවුම භාවිතා කරමින් sex යන පදය සෙවීම් වැඩිම ප්‍රමාණයක් කළ රට හැටිය‍ට ශ්‍රී ලංකාව පළමු ස්ථානයට පත්ව ඇතැයි යනුවෙත් උණුසුම් පුවතක් රට තුළ මුදා හැර තිබෙන අතරම මාධ්‍ය එය මහත් රුචියෙන් තලු ගසමින් රස විදිනු ද පෙනේ.
නමුත් මෙය අළුත් හෝ ක්ෂණික පුවතක් නොවන අතර එය ජන අවධානය වෙනතක හැරවීමේ අටියෙන් දෝ ජනතාව වෙතට විසිකරන ලද දුම් බෝම්බයක් වැනි වු ද, පිළුණු,කිසිදු වටිනාකමක් නැති කසි කබල් ආරංචියකි.
උදාහරණ වශයෙන් Google විසින් මෙම තත්වය විශේෂී හෝ අභව්‍ය කාරණයක් ලෙස දුටුවේ හෝ එය විශේෂයක් කර වාර්තා කළේ නැත .ඔවුන්ට sex යනු භාෂාවක තවත් පදයකි.
එසේම ශ්‍රී ලංකාව sex පදය වැඩිම Google search කිරීමක් කර ඇත්තේ 2012 වර්ෂයේ පමණක් නොවේ.වර්ෂ 2011 දීත් sex පදය වැඩිම Google search කිරීමක් කර ඇත්තේ අප ශ්‍රී ලංකාවයි.තවද වර්ෂ 2004 සිටම ශ්‍රී ලංකාව sex පදය search කිරී‍මේ අනු පිළිවෙලෙහි මුල් ස්ථාන 7 අතර සිටිනු බව පෙනෙන අතර ක්‍රම ක්‍රමයෙන් එය ඉහළට නැංවී ඇති අයුරුද පෙනේ.
(මෙයට ප්‍රබල හේතුවක් විය හැක්කේ මෙරට අන්තර්ජාල භාවිතය වසරින් වසර ඉහළ යෑමයි.sex යන පදය කුණුහරුපයක් ද?sex යන පදය search කිරීම වල් කමක් හෝ පවක් ද? ශ්‍රී ලංකා වාසීන් sex යන පදය අන් රටවල් අභිභවා පෙරට ගියේ මක් නිසාද ?ශ්‍රී ලංකා වාසීන්ට sex මෙතරම් කුතුහලයක් වී ඇත්තේ ඇයි?යන ප්‍රශ්න වෙනමම සාකච්ඡා කළයුතු කරුණුය.)
මෙහිදී කිවයුතු තවත් අපූර්ව කරුණක් වන්නේ Lord Buddha යන පදය වැඩිම search කිරීමක් 2011 වසරේදී මෙන්ම 2012 වසරේදීත් කර ඇත්තේ ද ශ්‍රී ලංකා වාසීන් බවයි.එමෙන්ම dhamma යන පදය search කිරීමෙන්2011 වසරේදී ශ්‍රී ලංකාව ප්‍රථම ස්ථානයේ සිටියේය.(2012 වසරේ දී දෙවන ස්ථානය ගෙනඇත.)
ඉදින් මේ කරුණ හුදකලාව ගනිමින් ලංකා වාසීන් වඩාත් ධාර්මික හා ශිෂ්ඨසම්පන්න වී ඇතැයි යමෙක් හුවා දක්වන්නට වෑයම් කරන්නේ නම් එය අමු කුණුහරුපයක් නොවන්නේ ද?
Advertisements
