මට මුකුත් මතක නෑ……..!

ප්‍රභාකරන් සිංහලයා ගැන කී දෙය සත්‍යයක් බව අලුත්ගම සිදුවීම ප්‍රත්‍යක්ෂ කර ඇත.එනම් සිංහලයාට ඕනෑම සිදුවීමක් මතකයේ ඇත්තේ සති දෙකක් පමනක් බවය.එබැවින් අපට කළු ජූලිය මතක නැත.පර දෙමළු,සක්කිලි  දෙමළු කියා අපහාස කරමින් සිටි එවුන්ට,ඕනෑම සුළු කරුණකදී ජාතිවාදය අවුළුවා ගෙන සපත්තු මහන දෙමලාත්,වැසිකිලි සේදුව දෙමලාත් ඉතා නිර්භීතව මරා දැමුව එවුන්ට ප්‍රභාකරන් කොළඹට බෝම්බ එවන විට, ගම් වලට වැදකිරිකැටි බිළිඳා පටන් කැති ගාන විට ස‍හෝදරකම් මතක් වී සාම තවලම් යාම,දෙමළ කෙල්ලන්ට ප්‍රේම කරන්නට කසාද බඳින්නට ගීතමය ආරාධනා  මෝස්තරයක් ලෙස කිරීම මතක නැත.ඉතින් ඉතිහාසය නම්  මතකම නැත.එබැවින්අසරණ දෙමළ මිනිසුන් තමුන්ට යුද්ධය නිසා සිදුවු ‍හානි  පිළිබඳව සාධාරණය ඉටුකරන්නැයි කියනා විට ජුවල්ය.”මොන පරණ කථාවල් වලද මුන් මේ එල්ලිලා ඉන්නේ!”

කොහොම වුනත් එනපොට හොඳ නැති බව අපි මුලදීම අනතුරු ඇඟවූයෙමු.ඒ සඳහා සාක්ෂි වශයෙන් අප විසින් වර්ෂ 2012 අප්‍රේල් මස පළ කරනු ලැබූ ලිපියක් නැවත උපුටා දක්වමි.එය වර්තමානය හා ගලපා ගැනීමට කළයුතුවන්නේ පළමු ජේදයේ එන දඹුල්ලේ  වෙනුවට ගලබොඩ යනුවෙන් හා අවසාන ජේදයේ අවුළුවා ගතහොත් යන්න වෙනුවට අවුළුවා ගැනීමට සමර්ථ වීම නිසා යනුවෙන් වෙනස් කර කියවීම පමණි.

ඔබට අබ සරණයි!

 සොයා සොයා ආවා, ඒ සෙව්ව මැණික හමුවුණා …….//


පසුගිය කාලයේ ශ්‍රී ලාංකික ජන සමාජයේ  බලවත් අඩුපාඩුවක්,රික්තකයක්,හිඩැසක් ව තිබූ දෙයක් උපයා ගැනීමට අපට හැකිවී තිබේ.අගයක් නොකරම එක එල්ලේම ප්‍රකාශ කරන්නේ නම් අපට හතුරෙකු නැතිව තිබූ දුක  නැති කිරීමට දඹුල්ලේ හාමුදුරුන් වහන්සේ ඇතුළු පිරිස දැන් සමත්වී ඇත.

ලාංකික, විශේෂයෙන් සිංහල අපට,හිගන්නාගේ තුවාලය මෙන් සිටි දෙමළ හතුරා හිටි හැටියේම නැති වීමෙන් පසු හතුරෙකු නැති අඩුපාඩුව බොහෝ අවස්ථා වලදී දැනුනි.බැන ගන්නට,මඩ ගසාගන්නට,නින්දා කරන්නට,අපේ උජාරුව පෙන්නන්නට,මංකොල්ල කෑමට හා මරාගැනීමට හතුරෙතු නැති අඩුව නිසා බොහෝ අපහසුතාවයට පත්ව සිටියෙමු.

කොතෙක් අපහසුතාවයට පත් වූවාද කිවහොත් හතුරෙක් නැති දුකට හතුරෙක් එනවා යැයි බොරුවට කෑගසමින් අපේම බොරුවට අපද රැවටෙමින් ස්වයං වින්දනය ලැබුවෙමු.ග්‍රීස් යක්කු , භූතයන් හා මෑතක දී  මෝහිණිය වැනි පඹ හතුරන් නිර්මාණය කර විකෘති කාමාශාවන් හා පළිගැනීම් වැනි වින්දන කිහිපයක් පමණක් ලැබු නමුත් සුරාන්තයට එළඹෙන්නට නොහැකි විය.

නමුත් මෙවර මුස්ලිම් ජාතිකයන් කුපිත කර ගැනීමේ උත්සාහය නිවැරදිව කළමනාකරණය කර ගත හොත්(අවුළුවා ගතහොත්) පරම්පරා ගණනක් තිස්සේ රස(විස) විදිය හැකි වින්දනයන් රාශියක්ම උපයා ගැනීමට හැකිවනු ඇත.

(වැඩි දුර විස්තර සදහා ඉතිහාසය කියවා බලන්න)

Advertisements
Published in: on 2014 ජූනි 24 at ප.ව. 3:11  ප්‍රතිචාරයක් ලබාදෙන්න  

The URI to TrackBack this entry is: https://kolayak.wordpress.com/2014/06/24/%e0%b6%b8%e0%b6%a7-%e0%b6%b8%e0%b7%94%e0%b6%9a%e0%b7%94%e0%b6%ad%e0%b7%8a-%e0%b6%b8%e0%b6%ad%e0%b6%9a-%e0%b6%b1%e0%b7%91/trackback/

RSS feed for comments on this post.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: